Эрүүл мэнд сайдын зөвлөлийн хурал үргэлжилж байна. Зөвлөлийн хурлаар УОК, Засгийн газарт хөл хорио тогтоосон хугацааг 14 хоногоор сунгах санал оруулж байгаагаа тодотгон хэлэлцсэн байна. Тодруулбал, цаашид тохиолдлын дам халдваруудыг тогтоох, шинжилгээнд хамруулах ажлуудыг өргөн хүрээнд хийх шаардлага тулгарч буй. Иймд хүн амын дунд санамсаргүй түүврийн аргаар 4000-5000 хүнд шинжилгээ хийхтэй холбоотойгоор ийн хөл хориог сунгах шаардлага байгаа аж. Хөл хориог сунгах эсэх асуудлыг УОК, Засгийн газрын хуралдаанаар эцэслэн шийдвэрлэх юм байна.