Өнөө үед арьс арчилгааны бүтээгдэхүүн олширсон  ч өөрийн арьсанд тохирсон бүтээгдэхүүнийг сонгон  хэрэглэх нь зүйтэй. Өвлийн тэсгэм хүйтэн, салхитай өдрүүд айлчлахад бидний хувцас, арьс арчилгааны бүтээгдэхүүн тэр ч байтугай хоол хүнс, эдлэл хэрэглэл ч өөрчлөгддөг. Тэр дундаа бидний арьс ч  өвлийн улиралд хуурайшиж, эмзэг болох нь олонтаа. Тэгвэл бид танд өвлийн улиралд арьсаа хэрхэн арчлах тухай зөвлөмжийг хүргэж байна.

1.  Усыг тогтмол  ууж хэвших

Өвлийн улиралд бид өдөр тутамдаа хангалттай хэмжээний ус хэрэглэдэггүй. Гэтэл  яг энэ үед л бидний арьсанд чийг их хэмжээгээр дутагддаг. Арьсаа чийгээр хангахын тулд усаа яаралгүйгээр аажим  бөгөөд тодорхой хугацааны давтамжтайгаар уухаа битгий мартаарай. Цагаан гаа болон нимбэгтэй ус нь  өвлийн улиралд бидний арьсыг чийгшүүлэхээс гадна дархлааг сэргээж, ханиад томуунаас сэргийлнэ.

2. Нүүр цэвэрлэгч сонгохдоо анхаарах

Зарим төрлийн нүүр цэвэрлэгч  нь химийн бодис ихээр агуулдаг тул тэжээл өгөх, цэвэрлэхээс  илүү хор хөнөөл учруулах нь ч бий. Түүнчлэн  спирт,  үнэр оруулагч зэрэг найрлага нь хуурай, хагарсан арьсанд сайнаар нөлөөлдөггүй тул аль болох  байгалийн гаралтай, органик бүтээгдэхүүн хэрэглэхийг зөвлөж байна.

3.Арьсыг сайн гуужуулах

Хэрэв таны арьс хуурайшиж, загатнаж байвал арьсаа тогтмол гуужуулах нь зөв. Энэ нь арьсны үхэжсэн эсийг гадагшлуулж, шинэ эсийг нөхөн сэргээхэд тусалдаг. Орчин цагт химийн буюу хүчил агуулсан гуужуулагч бүтээгдэхүүн олноор гарсан бөгөөд арьсыг зөөлнөөр, гэмтээхгүй гуужуулдаг.

4.Хэт халуун шүршүүрт орохоос сэргийлэх

Өвлийн тэсгим хүйтэнд халуун шүршүүрт орох нь бидэнд нэн таатай санагддаг. Гэвч халуун шүршүүрт удаан хугацаагаар орох нь бидний арьсны  тослогийг  гадагшлуулж улмаар хуурайшихад хүргэнэ.

5.Шүршүүрт орсны дараа чийгшүүлэгчийг тогтмол хэрэглэж занших

Өвлийн улиралд нүүрний чийгшүүлэгч болон биеийн тосыг сонгохдоо усан суурьтай бүтээгдэхүүнээс илүүтэй тосон суурьтайг нь  сонгохыг санал болгож байна. Усанд орсны дараа биеийн хуурайшсан хэсгүүддээ чийгшүүлэгч тос түрхэх эсвэл нойтон жин тавьж аль болох чийглэг байлгах нь чухал. Тэр дундаа цөцгийн тос агуулсан бүтээгдэхүүн  илүү органик байдаг.

6.Гадны нөлөөнөөс сэргийлэх

Өвөл таны арьсанд зунаас илүү ширүүн хандах нь дамжиггүй. Иймд бид дулаан хувцаслаж, ороолт бээлий, малгай зэргийг тогтмол хэрэглэх нь арьс цочрох үйл явцаас сэргийлнэ.

7.Нарны тос нь зөвхөн зуны улиралд зориулагдаагүй болно