Улсын онцгой комиссоос гамшгийн зэрэглэлийг бууруулах асуудлаар өнөөдөр 14:00 цагт хуралдсан. Уг хуралдаанаас гарсан шийдвэрийг танилцуулж байна.

Шадар сайд С.Амарсайхан “Сургууль цэцэрлэгийн үйл ажиллагааг нээхтэй холбоотой асуудал байгаа. УОК-д “Нэг хаалга-Нэг шинжилгээ”-ний үр дүнд халдварыг хумих, иргэдээ вакцинд хамруулж эхэлснээр танхимын сургалтыг үе шаттайгаар нээхээр төлөвлөж байна. Энэ хүрээнд бэлтгэл ажлуудыг сайтар хангах шаардлагатай байна. Ялангуяа хөдөө орон нутагт дотуур байрнаас эхлээд анги танхим хичээллэх орчин нөхцлийг бүрдүүлэх, халдваргүйжүүлэлт, ариутгалын бэлтгэл ажлыг хангах, эрсдэл үүсгэх байх ёстой.

Сургалтын үйл ажиллагаа цахим хэлбэрээр үргэлжилж байгаа боловч олон айл өрхийн хүүхдүүд теле хичээлээ бүрэн ойлгож, хамрагдаж чадахгүй байна

Тийм учраас гуравдугаар сарын 10-ны өдрөөс эхлэн их, дээд сургууль, сургалтын байгууллага, ерөнхий боловсролын сургууль, цэцэрлэг гэх мэт бүх шатны үйл ажиллагааг нээнэ. Сургалтын үйл ажиллагаа цахим хэлбэрээр үргэлжилж байгаа боловч олон айл өрхийн хүүхдүүд теле хичээлээ бүрэн ойлгож, хамрагдаж чадахгүй байгаа. Ийм учраас танхимын хичээлийг үе шаттайгаар нээхээр төлөвлөөд байна. Одзоогийн байдлаар 18-аас доош насны хүүхдүүдэд вакцин хийх боломж байхгүй. Түүнчлэн нийслэл хотод коронавирусийн 150 гаруй голомт бий. Эрсдэлтэй нөхцөлд танхимын хичээлийг ирэх даваа гарагаас нээх боломжгүй байгаа. Аж ахуйн нэгжүүдээ зэрэг нээж байна. Цаашид ямар эрсдэл гарч болох вэ гэдгийг тооцохын зэрэгцээ ямар бэлтгэл хангах вэ гэдгийг сайн зохион байгуулж байж сургууль, цэцэрлэгээ нээнэ” гэв.