Элсэлтийн ерөнхий шалгалтын 2021 оны батламжийн хуудсыг наймдугаар сарын 25-28-ны өдрүүдэд тараана. Тэгвэл энэ жилийн элсэлтийн ерөнхий шалгалтын батламж хуудас 2.5 жилийн хугацаанд хүчинтэй байх талаар Боловсролын үнэлгээний төвөөс мэдээллээ.

2020-2021 оны хичээлийн жилд ерөнхий боловсролын сургууль төгссөн шалгуулагчид заасан хугацаанд төгссөн сургуулийнхаа захиргаанаас батламж хуудсаа авна. Харин 2021 оноос өмнө ерөнхий боловсролын сургууль төгссөн шалгуулагчид орон нутагт элсэлтийн шалгалт өгсөн бол тухайн аймгийн Боловсрол, соёл урлагийн газраас, нийслэлд өгсөн бол Боловсролын үнэлгээний төвөөс батламж хуудсаа авах боломжтой.