Д.Доржпаламын гэр бүл голын урсгал зогсоосон хогийг цэвэрлэжээ. Энэ талаар иргэн Д.Доржпалам цахим хуудастаа “Хамгийн гол нь хүүхдүүдээ байгаль орчноо хайрлах сэтгэлгээ суулгалаа. Голын усанд байсан хогийг түүж байтал татарсан горхи урссан. Үүнийг харсан хүүхдүүд маань их баярлаж, урам авлаа. Байгаль эх маань ч баярласан байх. Том хүү маань ааваа “Байгаль цэвэрлэхээр надад мөнгө өгөөд байна шүү дээ” гээд олсон мөнгөө бариад ирсэн. Хүү минь нийт 1150 төгрөг олсон байна лээ. Харин эхнэр маань хог цэвэрлэдэг ТББ байгуулахаар болоод ирлээ. Бидний цэвэрлэсэн горхи маш их бохирджээ. Өглөөнөөс орой хүртэл гэр бүлээрээ 700 метр газар цэвэрлэж, 60 гаруй тор, 10 орчим шуудай гялгар уут түүлээ. Залуусдаа хаа явсан газраа хог байвал түүж байгаарай гэж уриалмаар байна” хэмээн бичжээ.