Улаанбаатар хотын аль дүүрэгт байхаас хамаарч байрны түрээсийн үнэ харилцан адилгүй байдаг. Түрээсийн байр, хажуу өрөө хайж байгаа иргэдийн хувьд 3+1, 6+1 гэсэн төрбөрийн нөхцөл, жилээс жилд нэмэгдэж байгаа түрээс хүндрэл болдог билээ. Хичээлийн жил эхэллэх дөхөж буй энэ үед орон нутгаас хотыг зорих залуус, түрээсийн байрны зар олширдог билээ. Бид түрээсний байрны үнэ ханшийг сурвалжиллаа.

ХАЖУУ ӨРӨӨ САРЫН ТҮРЭЭС 500-800 МЯНГАН ТӨГРӨГИЙН ҮНЭТЭЙ БАЙНА

Хажуу өрөөг их дээд сургуулийн оюутнууд ихэвчлэн түрээслэдэг аж. Үнийн хувьд дүүргээс хамаарч 500-800 мянган төгрөгийн үнэтэй. Жишээлбэл Таваншард хажуу өрөөний түрээс 500 төгрөг бол 120 мянгат буюу Хан-Уул дүүрэгт 800 мянган төгрөг байна. Угаалгын өрөө болон гал тогоог хувааж хэрэглэдэг бөгөөд тог цахилгаан, СӨХ-ийн төлбөр, интернэтийн төлбөрийн тодорхой хувийг нэмж төлдөг. Хажуу өрөө түрээслэнэ гэсэн зарыг дагуу тодруулж асууллаа.  Түрээслэгч “ Манайх залуу гэр бүл хажуу өрөөгөө түрээслэдэг. Сарын түрээс 800 мянган төгрөг, түрээсээ 1+1 буюу барьцаатай авдаг. Ус дулаан, тог цахилгаан түрээсдээ багтсан. Автобусны буудлаасаа 100 метрийн зайтай байрладаг” гэлээ.

НЭГ ӨРӨӨ БАЙРНЫ ТҮРЭЭС 850- 1.8 САЯ ТӨГРӨГИЙН ҮНЭТЭЙ БАЙНА

Баянзүрх дүүргийн Улаанхуаранд байрлах 2002 онд ашиглалтад орсон 34мкв, тавилгагүй нэг өрөө байрны нэг сарын түрээс 850 мянган төгрөг бөгөөд түрээс нь 6+1 гэсэн нөхцөлтэй гэнэ. Түрээслэгч “ Хотын зах руу учраас бусад байруудаас харьцангуй боломжийн үнэтэй. Тог цахилгаан, интернэтийн төлбөр тусдаа гардаг. Байрны түрээсээ зургаан сараар шууд төлөх хүн ховор учраас Rentpay зуучлалын газраар байраа түрээслүүлэхээр болсон. Хохирол учирсан ч буух эзэнтэй” гэлээ. Харин Хан-Уул дүүрэг, Төв цэнгэлдэх хүрээлэн Рапит хотхонд 50мкв, бүрэн тавилгатай нэг өрөө байрны сарын түрээс 1.8 сая төгрөг, 6+1 буюу гэсэн түрээсийн нөхцөлтэй байна. СӨХ, ус, дулааны төлбөр тусдаа гардаг гэв.

“ХОСТЕЛ” БУЮУ ОХИДЫН ДОТУУР БАЙР 200-700 МЯНГАН ТӨГРӨГИЙН ҮНЭТЭЙ БАЙНА

Сүүлийн жилүүдэд хостелд байрлах оюутнууд ихэссэн. Энэхүү охидын байр нь нэг дор олуулаа байрлах боломжтой. Ихэвчлэн хоёр давхар ор, хувцасны шүүгээтэй бөгөөд нэг өрөөнд 4-6 хүн амьдардаг. Төлбөрийн хувьд бусад байрнуудаас хямд, гал тогоо, цахилгаан хэрэгслийг голдоо хэрэглэдэг. Байршлаасаа хамаарч 200-700 мянган төгрөгийн үнэтэй байна.

НИЙТИЙН БАЙРНЫ САРЫН ТҮРЭЭС 280-650 ТӨГРӨГ