Наадам ойртсон өдрүүдэд иргэд  хотоос гарч аялж, зугаалахдаа хорхог хийх зорилгоор шинэ хонь, ямаа худалдан авах нь нэмэгддэг билээ. Тэгвэл бид иргэдийн хамгийн ихээр зорьж очиж үйлчлүүлдэг Эмээлт зах дээр хонь, ямаа болон бусад малын мах хэдэн төгрөгийн үнэтэй байгааг сурвалжиллаа.

Эмээлт захад мал зарахаар Баянхонгор аймгаас иргэн малчинаас үнэ тодрууллаа. Тэрбээр “Хонио гулуузаар зарж байна. Хязаалан хонины гулууз мах килограмм нь 12500 төгрөг. Малын мах авахаасаа асуух хүн их байна. Өдрөөс өдөрт нэмэгдэж буй махны үнэ иргэдийн толгойны өвчин болоод удаж байна. Төр засгийн зүгээс махны үнийг тогтвортойгоор барьдаггүйн улмаас үнийн хөөргөдөл үүсэж байгаа талаараа учирлаж байсан юм. Харамсалтай нь худалдан авалт муутайгаас болоод портер хонийг 4-5 хоногт борлуулж дуусдаг" гэлээ.  Дорноговь аймгийн Мандах сумын малчин Д.Чингүүн “Уг нь мах гайгүй үнэтэй байгаа хэдий ч  худалдан авалт асар муу байна. Би тав хоногийн өмнө 20 гаруй хоньтой нутгаасаа ирсэн. Энэ байдлаараа удвал нутаг буцахаар байна. Тиймээс өнөөдөр зогсоод борлогдох гэж үзнэ  дээ” гэлээ.

Хонь худалдан авч буй иргэдэд хэрхэн төхөөрөх вэ гэдэг асуудал гарч ирдэг байна. Тиймээс Эмээлт захад мал төхөөрөх үйл ажиллагаа явуулдаг байна. Тэд хонь төхөөрөхөд 25000 төгрөгийн үнэтэй бөгөөд гэдэс дотрыг мөн арилгаад, цэвэрлээд өгдөг гэнэ. Энэхүү газар мал төхөөрдөг иргэд “Сүүлийн үед мал төхөөрүүлэх иргэд багасаж байна. Бид өмнө нь өдөрт 20 гаруй хонь төхөөрчихдөг байсан. Энэ жил харин худалдан авалт эрс муудсанаас хонь төхөөрөх хүн багссан” гэсэн юм.  

Хонь кг нь 12500 төгрөг.

21 кг дэ:ш 9000 төгрөг

Хонины махны үнэ килограммаар:

Хонь гулууз - 13500

Хонины хуйхалсан мах - 15500

Хонины цул мах - 16500

 Хонины цус, гэдэс – 10000

Ямааны махны үнэ килограммаар:

Ямааны ястай мах - 12000

Ямааны цул мах - 15000

Ямааны хуйхалсан мах – 14500 төгрөгийн үнэтэй худалдаалж байна.

Мөн хонь, ямааг бүтэн хуйхалах 60 мянган төгрөг, хэсэгчилж хуйхалах 30 мянган төгрөг. Малын гэдэс, дотор арилгаж цэвэрлэх нь 20 мянган төгрөг байдаг байна.