Нийслэлийн Сүхбаатар дүүргийн 20 дугаар хорооны “Сэлбэ” зусланд 6х24 метр хэмжээтэй байшин шатжээ. Гал түймрийн дуудлага 09:47 цагт Сүхбаатар дүүргийн Онцгой байдлын хэлтэст ирсэн байна. Дуудлагын дагуу тус дүүргийн Гал түймэр унтраах, аврах 34 дүгээр ангийн алба хаагчид 12.5 км замыг туулан 10:00 цагт очжээ. Улмаар хүч нэмэгдүүлж Гал түймэр унтраах, аврах 74 дүгээр ангийн алба хаагчид 25 км замыг туулан 10:44 цагт, очсон байна. Алба хаагчид иргэн Г-ийн  6х24 метр байшин шатаж байсныг нэг цаг ажиллан унтраасан байна.