Нийслэлийн Чингэлтэй дүүргийн 19 дүгээр хороо, Өвөр гүнт  зуслангийн нутаг дэвсгэрт өнөөдөр буюу тавдугаар сарын 12-нд суудлын автомашин шатаж, дөрвөн иргэн галд өртжээ.

Энэ тухай дуудлага мэдээлэл тавдугаар сарын 12-ны 01:17 цагт бүртгэгдсэн байна. Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчид 01:28 цагт очиход иргэн Б-ын Приус-41 загварын суудлын автомашин шатаж байсныг түргэн шуурхай ажиллаж унтраасан байна. Уг гал түймэрт нийслэлийн Баянгол дүүргийн харьяат иргэн 24 настай эрэгтэй Т, 21 настай эмэгтэй Ц, 22 настай эмэгтэй Б, Сүхбаатар дүүргийн харьяат иргэн 21 настай эмэгтэй Х нар нүүр, гарын хэсгээрээ түлэгдсэн байсныг нийслэлийн Яаралтай түргэн тусламжийн төвд шилжүүлжээ.