Засгийн газраас хэрэгжүүлж буй "Эрүүл мэндээ хамгаалж, эдийн засгаа сэргээх" 10 их наядын цогц төлөвлөгөөний хүрээнд бизнес эрхлэгчид болон дотоодын аж ахуйн нэгжүүдийн үйл ажиллагааг дэмжиж, ажлын байр бий болгоход гурван хувийн хүүтэй зээл олгож буй. Зээл олгож эхэлснээс хойш өнөөдрийн байдлаар 509.6 тэрбум төгрөгийг 7116 мянган аж ахуйн нэгж, бизнес эрхлэгчдэд олгоод  байна. Үүнээс нийслэлд 279.6 тэрбум төгрөгийг 2897 зээлдэгчид, аймаг, орон нутагт 230 тэрбум төгрөгийг 4219 зээлдэгчид олгоод байна. Бизнес эрхлэгч нарт үзүүлж буй, тэдний үйл ажиллагааг дэмжих хөнгөлөлттэй буюу гурван хувийн хүүтэй зээлийг орон нутагт түлхүү олгоод буйг Сангийн дэд сайд С.Мөнгөнчимэг мэдээллээ.