“Зөвшөөрлийн тухай хуулийн хэрэгжилт, цаашид анхаарах асуудал, шийдэл” сэдэвт цуврал хэлэлцүүлгийг зохион байгуулж байна. Тус хэлэлцүүлэгтэй холбоотойгоор УИХ-ын гишүүн А.Ариунзаяа мэдээлэл өглөө.

Тэрбээр “Намрын чуулганы хаалт болох үеэр УИХ-ын дарга Н.Учрал гишүүний хувиар хоёр гишүүний хамтаар Зөвшөөрлийн тухай хуульд нэмэлт өөрчлөлт оруулах хуулийн төслийг өргөн барьсан. Хуулийн төслийн гол амин сүнс нь төрөөс олгож байгаа зөвшөөрлүүдийг энгийн болгох, хялбаршуулах цахимжуулах мөн түүнчлэн заримыг нь мэдэгдлийн түвшинд буруулах аливаа бизнесийн үйл ажиллагаа эхлүүлэх, эрхлэх хүрээнд мэдэгдлийн түвшинд аваачих, мэдэгдээд үйл ажиллагаагаа эхлүүлэх боломж олгох зорилт тавьсан. Өнөөдрөөс эхлэн салбар бүрийн хэлэлцүүлгийг явуулж эхлэлээ. Энэхүү ажлын хэсгийн гол үүрэг нь гурван гишүүний өргөн барьсан Зөвшөөрлийн хуулийн төсөл дээр дахиад нэмэлт санал байгаа юу, салбар нь зөвшөөрч байгаа юу, хуулийн төсөл дээр ямар нэмэлт оруулах уу гэдгийг дүгнэх байгаа. Хаврын чуулганы хугацаанд багтаж, Зөвшөөрлийн хуулийг батлуулах төлөвлөгөөтэй ажиллаж байна. Зөвшөөрлийн тухай хууль олон зөвшөөрлийг байхгүй болгож байгаа юм шиг ойлголтыг хүмүүст өгөөд байгаа. Тусгай зөвшөөрлийг энгийн рүү шилжүүлэх, энгийнийг хялбаршуулах нэгтгэх өөрчлөн найруулах замаар тодорхой хэмжээнд процессыг өөрчилнө. Нийт 371 төрлийн зөвшөөрлийг 360 орчим болгож байгаа. тооны хувьд 11 зөвшөөрөл бууж байгаач агуулгаар нь үзвэл илүү цахимжиж, салбар хоорондын уялдаа холбоо сайжирч байгаа” гэв.