“Лантуун дохио” төрийн бус байгууллагаас гэр бүлийн болон хүүхдийн хүчирхийллийн эсрэг чиглэлээр хэрэгжүүлж буй томоохон ажлуудын нэг болох Хүчирхийллийн эсрэг төвийн барилгын ажил үргэлжилж байна.

Уг төв ашиглалтад орсноор хүчирхийлэлд өртсөн хүүхэд, эмэгтэйчүүдийг түр хамгаалах байртай болгохоос гадна сэтгэлзүйн зөвлөгөө, хууль эрхзүйн туслалцаа үзүүлэх цогц үйлчилгээтэй болох юм.

“Лантуун дохио” ТББ өмнө нь хүүхэд хамгааллын “Ид шидийн орон” төслийг хэрэгжүүлж, олон хүүхдийг боловсрол, хүмүүжил, аюулгүй орчинд өсөх боломжийг бүрдүүлж ирсэн. Харин энэ удаагийн хүчирхийллийн эсрэг төв нь хүчирхийллээс урьдчилан сэргийлэх, хохирогчдыг хамгаалах нийгмийн чухал дэд бүтэц болохоор төлөвлөгдөж байна.