Улаанбаатар хотын ногоон бүс буюу Богд-Хан уул, Чингэлтэй хайрхан, Туул гол, Их бага баян, Халзангийн давааны ил задгай хог хаягдлыг цэвэрлэх ажлыг есдүгээр сарын 05,06-ны өдрүүдэд зохион байгуулсан.

Цэвэрлэгээний явцад Чингэлтэй хайрхан орчмоос 4.5 тн, Халзангийн даваа орчмоос 2,3 тн хог хаягдал ачиж тээвэрлэжээ. Уг ажилд нийслэлийн холбогдох албаныхнаас гадна 100 гаруй оюутан залуус, "Лусын хүрээ" хийдийн сүсэгтэн олноос бүрдсэн иргэдийн баг оролцсон юм. Цэвэрлэгээний явцад согтууруулах ундааны шил, хуванцар, ахуйн газ зэрэг хог хаядал багагүй цугларчээ. Эдгээр хог хаягдал аюултайд тооцогддог тул хэт хуурайшлын үед гал түймэр дэгдээх эрсдэлтэй. Тиймээс иргэн та дүүргийн хойд хэсэг буюу гол ус, ой модтой зуслангийн бүс рүү амарч зугаалж буй үедээ ил задгай хог хаягдлаа төвлөрсөн хогийн цэгт хаяж хэвшээрэй.