Өмнөд Солонгосын алдарт охидын хамтлаг (G)I-DLE-ийн гишүүн Yuqi энэ сарын 16-нд анхны бие даасан сингл цомгоо гаргахаар болжээ.

Cube Entertainment-ийн мэдээлснээр “Motivation” нэртэй уг сингл цомог есдүгээр сарын 16-ны 18:00 цагт бүх дижитал хөгжмийн платформд нээлтээ хийх юм. Харин  биет цомгийн хувилбар нь 164 хуудастай фотобук, CD болон постер, зурагт карт зэрэг тусгай багцуудтайгаар худалдаанд гарахаар болжээ. Мөн уран бүтээлийн промо хуваарийг олон нийтэд танилцуулсан бөгөөд энэ сарын 3-наас эхлэн фотобукны зураг, трэклист, концепц зураг, тусгай видео, клипийн тизер зэрэг дараалсан контентууд албан ёсны сувгуудаар цацагдах аж.