Намрын улирал айсуй. Гадаа навч шарлаж, хотын өнгө аяс өөрчлөгдөж эхлэх үед хүмүүс хувцасны шүүгээндээ  шинэчлэл хийдэг билээ. Загварын ертөнцийн томоохон хотууд болох Нью-Йорк, Парис, Миланд болсон загварын долоо хоногууд намрын чиг хандлагыг тодорхойлж, дэлхийн том брэндүүдийн тайзан дээрээс олон улсын хэвлэл мэдээллийнхэнд шинэ санаа өгдөг уламжлалтай. Энэ жилийн онцлог нь өнгө, материал, хэв маягийн хувьд улам бүр өөр хоорондоо эсрэг тэсрэг боловч эвтэйхэн зохицох боломжтой загварууд давамгайлж байгаа юм. Vogue, Who What Wear, Glamour зэрэг нэр хүндтэй хэвлэлүүдийн онцолсон чиглэлүүдийг харахад улаан өнгө, плаид, suede материал, мөн ’90-ээд оны минимализм эргэн иржээ.

Загвар бол зөвхөн тайзан дээр харагдаж өнгөрөх зүйл бус, бидний өдөр тутмын амьдралд өөрийн гэсэн дүр төрх, өнгө аяс нэмж өгдөг “чимээгүй хэл” юм. Тиймээс энэ намрын трендүүдийг танилцуулж байна.

УЛААН БОЛОН БОР ӨНГӨ ДАВАМГАЙЛНА

Vogue сэтгүүл энэ намрын гол өнгийг тод улаан болон бор шаргал өнгийн хослол гэж тодорхойлсон. Энэ нь академик хэв маягийг бий болгож, оффисын болон өдөр тутмын хувцсанд цэмцгэр өнгө нэмж байна. People.com сайтын стилистүүд ч үүнийг баталж, “өргөн өмд, бүтэцтэй хослол, минималист атлаа цэмцгэр зүүлт нь улирлын түлхүүр” хэмээн онцолжээ.

PLAID БА 90-ЭЭД ОН ЭРГЭН ИРЛЭЭ

“Who What Wear” энэ намрын хэв маягийг плаид гэж нэрлэжээ. Өмнөх жилүүдэд нэг хэсэг бүдгэрсэн мэт байсан энэ загварын пальто, юбка, бүр цүнхэнд хүртэл шинэ өнгө төрх авчрах аж. Мөн funnel-neck гадуур хувцас, polka dot хэвлэл, 90-ээд оны минимализмын элемент эргэн ирж байгааг тэд онцолсон байна.

Загварын шинжээчдийн тайлбарлаж буйгаар, “Намрын улиралд бохо хэв маягийн урт даашинз, suede түрийтэй гутал, тод өнгийн акцент бүхий аксессуар хамгийн эрэлттэй байх төлөвтэй байна” гэв үзжээ.

Тайзнаас төрсөн чиг хандлагыг өдөр тутмын амьдралдаа хэрхэн эвтэйхэн зохицуулах нь хүн бүрийн сонголт. Харин энэ намар Улаанбаатарын гудамжинд улаан өнгийн цув, өргөн өмд, suede түрийт гутал, сэтгэл татам faux-fur пальто харагдах нь дамжиггүй.

2025 ОНЫ НАМРЫН ГУТЛЫН ТРЭНД

ШИЛБЭЭР ТАТСАН ТҮРИЙТЭЙ ГУТАЛ

Шилбээр татсан түрийтэй гутлууд энэ намар загварын ертөнцөд хүчтэй нэвтэрч байна. Эдгээр гутлууд нь урт банзал, цувтай хослуулан өмсөхөд тохиромжтой бөгөөд дулаан, загварлаг харагдуулдаг.

“SUEDE” МАТЕРИАЛТАЙ ГУТАЛ

"Suede" буюу элгэн материалтай гутал энэ намар тренд болох юм. Эдгээр гутлууд нь пүүз, сандал, өндөр өсгийтэй гутал зэрэгт ашиглагдаж, өдөр тутмын хувцаслалтад зохимжтой гэж загварын салбарынхан үзэж байна. Урт түрийтэй гутлууд нь намрын улиралд дулаан байлгахын зэрэгцээ загварлаг харагдуулдаг. Эдгээр гутлууд нь урт банзал, цувтай хослуулан өмсөх нь тренд болж иргэн иржээ.

“LOAFER” ГУТАЛ

Loafer гутлууд нь энэ намар тренд болж байна. Эдгээр гутлууд нь оффис, өдөр тутмын хувцаслалтад зохицох бөгөөд загварлаг.