Элсэлтийн ерөнхий шалгалт энэ сарын 21-нийг дуустал үргэлжилнэ. Шалгалтын хугацаанд сурагчдын зорчих хөдөлгөөнд хүндрэл үүсгэхээс сэргийлж, Улаанбаатар хотын хэмжээнд авто замын засвар, шинэчлэлийн ажлуудыг түр хойшлуулж байгааг Нийслэлийн Засаг даргын Тамгын газраас мэдээллээ. Шалгалтын өдрүүдэд замын хөдөлгөөнийг саадгүй зохион байгуулах, түгжрэлийг бууруулах, хүүхдүүдийн тээврийн хэрэгслээр чөлөөтэй зорчих нөхцөлийг бүрдүүлэх зорилгоор ийнхүү шийдвэрлэсэн байна.