Португалийн Брага хотод зохион байгуулагдсан Хореографик Латин бүжгийн Дэлхийн аварга шалгаруулах тэмцээнд Монгол Улсаа төлөөлөн оролцсон “Royal Dance” хамтлаг хос алтан медаль хүртэж, хос цомын эзэд болжээ. Дэлхийн өнцөг булан бүрээс шилдэг бүжигчид оролцсон уг тэмцээнд уран бүтээл, техникийн өндөр түвшинг харуулж, онцгой үнэлгээг авсан байна.  "Монголын бүжгийн спортын холбоо”-ны гишүүн “Royal dance” бүжгийн клубийн дэргэдэх “Royal dance”  бүжгийн хамтлаг нь 2019 онд байгуулагдсан бөгөөд гишүүдийн дийлэнх нь 18-22 насныхан аж. Энэхүү тэмцээнд 3 багш 20 бүжигчин нийт 23 хүний бүрэлдэхүүнтэй оролцжээ. “Royal Dance” хамтлагийг Б.Халиун, О.Эрдэнэ-Очир нар удирдан ажиллажээ.