Дорноговь аймгийн Хатанбулаг сумын нутагт Улаанбадрах сумын төвөөс Баруун урд зүгт дөрөвдүгээр сарын 15-ны өдрийн 02:05:57 секундэд 4.7 магнитуд, 02:07:35 секундэд 4.1 магнитуд, 02:11:07 секундэд 4.4 магнитудын хүчтэй газар хөдөлсөн тухай мэдээллийг ООГХ-ээс цахим шуудангаар Онцгой байдлын газарт ирүүлсэн байна. Албаныхан тус сумын Засаг даргаас тодруулахад газар хөдлөлтийн чичирхийлэл иргэдэд бага зэрэг мэдрэгдсэн, учирсан хохирол байхгүй, Улаанбадрах сумын Тамгын газрын дарга, Хөвсгөл сумын Тамгын газрын дарга нараас тодруулахад газар хөдлөлтийн чичирхийлэл мэдрэгдээгүй бөгөөд учирсан хохиролгүй тухай мэдээлжээ.