2025 оны дөрөвдүгээр сарын наймны өдөр K-pop урлагийн төлөөлөл, загварын ертөнцийн од болсон BLACKPINK хамтлагийн гишүүн jennie Америкийн нэр хүндтэй “HOMMEGIRLS” сэтгүүлийн 13 дахь дугаарын нүүрийг чимжээ. Энэ дугаар нь jenni-гийн загварын мэдрэмж, түүний бүхий л төрхийг илэрхийлж, уншигчдад өвөрмөц, хүчирхэг мэдрэмжийг төрүүлэх ажээ.

Зураг авалтыг нэрт гэрэл зурагчин “Stevie Dance” хийсэн. Энэ удаагийн зураг авалтад тэрбээр минималист хэв маягтай, хүчирхэг бөгөөд өөртөө итгэлтэй төрхөө харагдуулсан бөгөөд дэлхийн загварын ертөнцөд томоохон нөлөө үзүүлэхүйц бүтээл болжээ гэж дүгнэжээ. “HOMMEGIRLS” сэтгүүлийн 13 дахь нүүрт Питер Мулиерийн шинэ Alaïa бүтээлүүд, “Dior” брэндийн талаарх нийтлэл, савхин хүрэмний чиг хандлага зэрэг олон сонирхолтой контентыг агуулж байна. Тус дугаар нь 2025 оны тавдугаар сарын сүүлээр худалдаанд гарна.  Jennie сүүлийн жилүүдэд “Chanel”, “Calvin Klein”, “Gentle Monster” зэрэг дэлхийд тэргүүлэгч брэндүүдтэй хамтран ажиллаж, загварын ертөнцөд өөрийн байр сууриа бататгасан билээ.