Улаанбаатар хотын Захирагчийн ажлын албанаас энэ онд зургаан удаагийн их цэвэрлэгээ зохион байгуулахаар төлөвлөсөн. Энэ удаагийн их цэвэрлэгээ гуравдугаар сарын 22-ноос эхэлж, дөрөвдүгээр сарын 12 хүртэл гурван үе шаттай үргэлжилж байна.

Өнгөрсөн амралтын өдрүүдэд нийслэлийн 9 дүүрэгт үйл ажиллагаа явуулж буй төрийн 37 байгууллага, ерөнхий боловсролын 16 сургууль, 37 цэцэрлэг, сууц өмчлөгчдийн 64 холбоо оролцож, өөрсдийн хариуцсан орчны 50 метрийн талбайг цэвэрлэв. Түүнчлэн нийслэлийн хэмжээнд ажиллаж буй хог хаягдал, зам талбайн цэвэрлэгээ үйлчилгээний 40 байгууллагын ажилчид хөшөө дурсгал, хайс хашлага, хогийн сав, сандал, нийтийн тээврийн автобусны зогсоолуудыг угааж, ариутгал цэвэрлэгээ хийлээ.

Мөн хог тээврийн байгууллагууд 2.1 сая мкв талбайгаас 800 тонн хог хаягдлыг цэвэрлэж, төвлөрсөн хогийн цэгт хүргэсэн байна.