“Ухаа худаг” ордтой холбогдуулж өнгөрсөн өдөр “MCS” группийн нэр бүхийн ажилтнуудыг баривчилсан тухай мэдээлэл хэвлэлээр гарсан. Тэгвэл өнөөдөр Хууль зүй, дотоод хэргийн сайд О.Алтангэрэл уг асуудлаар сэтгүүлчдэд мэдээлэл өглөө.

Тэрбээр “MCS” группийн нэр бүхий ажилтнуудыг саатуулсан. Монгол төрийн нууц хуулиар хамгаалагдана. Хэн ч төрийн нууц, хуулийн дээгүүр гарч, гүйцэтгэх ажиллагаа явуулж, тусгай техник ашиглаж болохгүй. Гэтэл “MCS” гэх хувийн аж ахуйн нэгж хууль бусаар гүйцэтгэх ажиллагаа явуулж төрийн нууцыг олж авахыг завдсан учир уг хэрэгт холбогдуулан нэр бүхий ажилтнуудыг сэжигтнээр татаж, саатуулсан. Саатуулагдсан хүмүүсийн дунд З.Төрмандах гэх хүн байгаа гэсэн мэдээлэл бий. Түүнчлэн тухайн хувийн аж ахуйн нэгж нь дэргэдээ тусгай байгууллагатай байсан байж болзошгүй гэсэн асуудал яригдаж байгаа” гэв.