Манай улсын валютын нөөц багассан тул ам.долларын гүйлгээнд хязгаарлалт тавьж эхэллээ хэмээн мэдээлэгдсэн.Тэгвэл энэ талаар Монголбанкнаас албан мэдээлэл өглөө. Тодруулбал, өнөөдрийн байдлаар 4.9 тэрбум ам.долларын валютын нөөц байгаа юм байна. Энэ нь таван орчим сарын бараа, эргэлтийн хэмжээг хангах хэмжээ. Олон улсын жишгээр, гурван сарын хэрэгцээг хангах нөөц бий бол хэвийн гэж үздэг байна. Иймд арилжааны банкнуудад ямар нэг хязгаарлалт хийсэн, мөрдүүлсэн асуудал байхгүй. Монголбанкны хувьд банкнуудаас ирүүлсэн валютын захиалгыг хүссэн хэмжээнд биелүүлж байгаа гэж мэдээллээ.