ХӨСҮТ-өөс менингококкт халдварын талаар хамгийн сүүлийн үеийн мэдээллийг өглөө.

Энэ үеэр Нийгмийн эрүүл мэндийн бодлогын газрын дарга н.Баттөр “Цахим сүлжээнд батлагдаагүй мэдээлэл гарснаас үүдэж иргэдийн дунд эргэлзээ үүсэж байна. Өнгөрсөн оны сүүл үед таван сэжигтэй тохиолдол илэрч шинжилгээгээр хоёр тохиолдол батлагдаж, бүрэн эмчилгээ хийгдсэн. Оны дараа гурван сэжигтэй тохиолдол илэрч нэг нь батлагдаж, харамсалтайгаар эндсэн. Одоогоор хоёр сэжигтэй тохиолдолд шинжилгээ хийж байгаа. Хоёр тохиолдлын биеийн байдал тогтвортой байгаа. Шинжилгээний хариу эцсийн байдлаар хоёрдугаар сарын 4,6-нд гарна. БЗД-ийн  311 дүгээр цэцэрлэгийн сурагчаас халдвар илэрсэн гэх мэдээлэл гараад байгаа. Шинэ цэцэрлэг учраас тухайн ангид нийт есөн хүүхэд байсан юм билээ. Тус хүүхдүүдийг гэрээр нь тусгаарласан, ямар нэгэн шинж тэмлэг илрээгүй. Цэцэрлэгийг ариутгаж, тандалтын ажил хийж байгаа” гэв.