Сэтгүүлч Н.Өнөрцэцэгийн өмгөөлөгч П.Эрхэмбаяр мэдээлэл өглөө.

            Тэрбээр "Өмгөөлөгчдийн зүгээс хуульд заасан арга хэмжээг бүгдийг нь аваад оролцлоо. Одоогоор шүүх хуралдаан завсарласан. Өмгөөлөгч нарын гаргасан хоёр хүсэлтийг шүүхээс хангаагүй ч гэсэн шүүх хуралдаан дээр нотлох баримтууд, холбогдох бүх зүйлийг хэргийн материалын хүрээнд хангалттай мэтгэлцлээ. Өмгөөлөгч нараас шалтгаалах бүх зүйлийг бид сайн гүйцэтгэсэн. Шүүх хуралдаан хаалттай боллоо гээд хүний эрхийг зөрчинө гэсэн үг биш. Өмгөөлөгч, прокурор, шүүгч нарын зүгээс хяналт тавьж байгаа. Шүүгдэгч нарын өмгөөллийн үг, гомдол, тайлбарыг шүүхээс цаг хугацаагаар хязгаарлалгүйгээр зүйл заалт бүр дээр хангалттай тайлбаруудыг тавьж өгсөн. Мөн прокуроруудын зүгээс өмгөөлөгчдийн гаргасан тайлбар дээр няцаалт хийх цагийг сайн гаргаж өгсөн. Шүүх өмгөөлөгч нарын өглөө гаргасан хүсэлтээс зарим хэсгийг буюу тогтоох хэсгийг олон нийтэд нээлттэйгээр уншиж танилцуулна гэдгээ мэдэгдсэн. Шүүх хурлын танхимд Н.Өнөрцэцэг сэтгүүлч цонхийсон царайтай, сэтгэлзүй нь хүнд байна" гэв.