Чингэлтэй дүүргийн IX хороонд байрлах "Самъяа" хийдэд гал гарч номын өргөө болон 108 судар, нэг автомашин галд өртсөн тухай бичлэг цахим орчинд цацагдаад байна. Энэ талаар онцгой байдлын газраас тодруулахад өнөөдөр 10:52 цагийн орчимд гэр шатсан тухай дуудлага бүртгэгдсэн байна.

Энэ дагуу дүүргийн Онцгой байдлын хэлтсийн Гал түймэр унтраах, аврах X ангийн бүрэлдэхүүнийг очиход зургаан ханатай гэр, 2*3 хэмжээтэй амбаар, nissan note загварын автомашины арын гүпер цонх шатаж байсан. Гал түймрийг 11:45 цагт бүрэн унтрааж ажилласан байна.