Ардчилсан намын бүлгээс төсөв, төрийн өмчтэй холбоотой харилцаа, сэтгүүлч Н.Өнөрцэцэгийн асуудлаар мэдээлэл хийлээ.

          Энэ үеэр Ардчилсан намын бүлгийн дарга О.Цогтгэрэл "Бид хоёр асуудлыг хэлэлцсэн. Нэгдүгээрт, Төрийн өмчийн бодлого зохицуулалтын газрын удирдлагуудтай уулзаж, мэдээлэл сонссон. Төсөв хэлэлцэж байгаа. Төсвөөс гадна төрийн оролцоотой чухал салбар байдаг нь Төрийн өмчтэй холбоотой харилцаа.  Хоёрдугаарт, сэтгүүлч Н.Өнөрцэцэгтэй холбоотой асуудал. 2022 онд Монгол Улсын дотоодын нийт бүтээгдэхүүн 53 их наяд байсан бол төрийн өмч 60 их наяд байсан байна. Тэгэхээр дотоодын нийт бүтээгдэхүүнээс их хэмжээний хөрөнгө Төрийн өмчийн бодлого зохицуулах хороон дээр байна. Үүний үр ашгийг ярих юм бол хэцүү. 2024 оны дүнг үзвэл улсын төсвөөс гурав дахин их шахам мөнгө Төрийн өмч дээр эргэлдэж байна. Энэ тал дээр Ардчилсан намын бүлгийн зүгээс Ажлын хэсэг гарган ажиллана. Сэтгүүлч Н.Өнөрцэцэгийн шүүх хурал энэ долоо хоногт болно. Сэтгүүлчийг 20 гаруй асуудлаар тодорхой хуулийн байгууллагаас шалгасан байна. Тэгэхээр нэгээс бусад нь хаалттай шүүх шаардлагагүй гэх асуудал байгаа юм байна. Манай намын бүлгийн зүгээс сэтгүүлч Н.Өнөрцэцэгийн шүүх хурлыг нээлттэй явуулах ёстой гэх байр суурийг илэрхийлж, санал гаргасан" гэв.