Монгол Улс болон Арабын Нэгдсэн Эмират Улсын аялал жуулчлал, соёлын хамтын ажиллагааг сайжруулах, Монгол Улсынхаа үндэсний бахархал, өв соёлын сурталчилгаа болох уран зураг, гар урлал, ноос ноолууран бүтээгдэхүүнийг дэлхийн зах зээлд таниулах үндэсний өв соёлыг түгээн дэлгэрүүлэх зорилтын хүрээнд Дубайн үнэт эдлэл, хувцас загварын арга хэмжээнд Монголын үндэсний бренд бүтээгдэхүүний танилцуулах "MODERN MONGOLIA 2024" төсөл арга хэмжээг Монгол Улсын соёлын элч Б.Гантогоо санаачилж АНЭУ-д суугаа ЭСЯ, BZ showroom хамтран зохион байгууллаа. Тус арга хэмжээний нэгдүгээр шатны арга хэмжээ Dubai mall, дотор байрладаг Кempinski зочид буудалд 2024 оны аравдугаар сарын 20-ний өдөр эхэлж, Канад, Солонгос, Араб, Энэтхэг зэрэг олон орны улс төр бизнесийн төлөөлөгчид "MODERN MONGOLIA 2024" apга хэмжээнд оролцож буй жижиг дунд үйлдвэрлэлийн бүтээгдэхүүнтэй танилцаж маш өндөр сэтгэгдэлтэй байв. Мөн тус танилцуулгын үеэр арабчууд "Шим Эрдэнэ" ХХК-ийн адууны тосыг ихээр сонирхсон нь онцлох үйл явдал байлаа. 

"Modern Mongolia" энэхүү арга хэмжээний нүүр царайгаар Шим брэнд, Boho Mongolia, Hamnigan art& furniture онцгойлон тодорч  BZ Showroom арт дэлгүүрийн захирал Б.Батдулам "Modern Mongolia" танилцуулгыг зохион байгуулж оролцлоо.

• Хаадын Гэр/ Khaadiin Ger/
• Ujin Brand Bbees
• Agni Leather Collection
• Stardust Mongolia
• Amurai
• Tuya'S Handmade
• Erchis
• Ugsaatan Fashion
• Belt Bogts
• U One Brand Mongolia
• Tulgabrand
• Narkhan brand
• Uran Udam
• Khos Khas brand
• Khos Gutal Esgii
• Savana brand
• RedVortex
• Sorun Fashion
• Монгол Майхан
• Solo sun international trade llc
• Jimbii Cashmere
• Aguur art
• RedVortex
• Uran jewelry брэндүүд "VWFW 2024 Dubai" арга хэмжээнд оролцож эх орноо сурталчилж, Монгол хүний оюун, гараар бүтээгдсэн бүтээлүүдээ танилцууллаа.

​

​

Ёслолын ажиллагааны үеэр АНЭУ-ын угсаа залгамжлагч ханхүү "Н.H Sheikh Hamden bin Rashid Al Maktoum-ийн ажлын албаны дарга, Удирдах зөвлөлийн гишүүн Mirza Al Sayegh АНЭУлс болон булангийн орнуудад Монгол Улсынхаа соёл урлаг, аялал жуулчлал, үндэсний брэндүүд ноос ноолууран бүтээгдэхүүн сурталчлах ажлыг санаачлан тасралтгүй амжилттай зохион байгуулж байгааг онцлон тэмдэглэж, Монгол Улсын Соёлын Элч Б.Гантогоод "EXCELLENCE CULTURE" шагналыг гардууллаа. Монгол Улсаа сурталчилах, үндэсний бренд бүтээгдэхүүний танилцуулах "МODERN MONGOLIA 2024" арга хэмжээ энэ оны арванхоёрдугаар сарын 20 хүртэл гурван үе шаттайгаар зохион байгуулагдана.