БНХАУ-ын хөгжилтэй богино кино, контент сүүлийн жилүүдэд алдартай болж байгаа билээ. Тэгвэл тус богино хэмжээний киног үзэгчдийн  дунд Jiang Shi Qi жүжигчнийг танихгүй хүн ховор биз. Тэрбээр 1999 оны зургадугаар сарын 7-нд төрсөн. Түүний Douyin аппликейшнд оруулсан "Жаргалтай мянган алт", "Миний эмэгтэй жанжин", "Удахгүй баяжих тавилан"  тэргүүтэй киноны үзэлт 1.15 тэрбумд хүрчээ.

   Jiang Shiqi 2020 онд богино хэмжээний драм кино хийж эхэлснээс хойш зөвхөн Douyin дээр 37 сая гаруй шүтэн бишрэгчтэй болжээ. Douyin хэрэглэгч зургаан хүн тутмын нэг нь түүний киног үздэг гэсэн судалгаа бий. 2024 оны байдлаар Douyin-ийн хамгийн алдартай 10 кино жагсаалтын эхний гурван байрт Jiang Shiqi-ийн тоглосон цуврал байдаг аж. Тэрбээр оны эхний гурван сард 55 сурталчилгаанд тоглож, 20 сая гаруй юанийн орлого олжээ. Түүний сурталчилдаг Hanshu гоо сайхны брэнд 2023 оны арванхоёрдугаар сарын байдлаар 1.5 сая ширхэг бүтээгдэхүүн борлуулж, L'Oréal, Proya, Estee Lauder зэрэг алдартай брэндүүдийг гүйцэж, 2023 онд 3.34 тэрбум юанийн нийт борлуулсан бүтээгдэхүүнийхээ хэмжээгээр Douyin-ийн гоо сайхны борлуулалтын чансааны нэгдүгээрт жагсжээ.