2023 оны арваннэгдүгээр сарын 4-ний 13:00 цагийн байдлаар авто замын нөхцөл байдлын талаарх мэдээллийг өглөө.  

1. А14 дугаартай Ховд-Булган-Улсын хил чиглэлийн авто замд 2023 оны арваннэгдүгээр сарын 3-нд орсон цас болон хүчтэй цасан шуурганаар хэсэгчлэн хаагдсан Хавчигийн хавцал, Бага улаан даваанд хунгарласан цасыг Ховд АЗЗА цэвэрлэж байна.

2. Олон улс, улсын чанартай А0603 дугаартай Цэцэрлэг-Тосонцэнгэл-Нөмрөг чиглэлийн авто замын Солонготын даваа, А1102 дугаартай Мөрөн-Улиастай чиглэлийн авто замын Загастайн даваа, А1103 дугаартай Улиастай-Алтай чиглэлийн авто замын Ганцын даваанд 2023 оны арваннэгдүгээр сарын 2-ны өдрөөс орсон цас хүчтэй шуурганы улмаас зорчих хэсэг цасанд дарагдсан байдалтай Зам хариуцагч Завхан АЗЗА ТӨХК-ийн шуурхай ажлын хэсгүүд ажиллаж байна.

3. Бураат, Зээгтийн давааны замын цасыг өргөсгөж цэвэрлэх ажлыг "Жол" ХХК хийж байна.

4. А0902 дугаартай Булган Мөрөн чиглэлийн 43 км, 61 км, 73 дахь километрүүдэд туузан хашлаганы доор шуурч овоорсон цасыг гараар цэвэрлэх ажлыг "Булган АЗЗА" ТӨХК гүйцэтгэж байна.

5. А0501 дугаартай Улаанбаатар-Өндөрхаан чиглэлийн хатуу хучилттай авто замын дагуу тэнгэр бүрхэг байна. 54 км-ээс 130 км-ын хооронд замын үзлэг хийх, 92 км-ээс 100 км-ын хооронд замын зорчих хэсэгт халтиргаа гулгааг арилгахаар давс цацах, 130 км-ээс 177 км-ын хооронд замын үзлэг хийх, 154 км-т халтиргаа гулгаатай хэсэгт элс хайрган хольц цацах зэрэг ажлуудыг ИТА-2, үйлчилгээний машины жолооч 2, технологийн зориулалттай механизмын жолооч 2, замчин 8 нийт 14 хүний бүрэлдэхүүнтэй гүйцэтгэж байна.

Шуурхай ажлын хэсэг Төв аймгийн Эрдэнэ суманд бэлэн байна