Хотын дарга Х.Нямбаатар Урт цагааны дахин төлөвлөлтийн талаар мэдээлэл өглөө.

Тэрбээр “Улаанбаатар.мн сайтаар дамжуулж иргэдээс санал хүсэлт авч асуудлыг шийдвэрлэдэг байх шийдвэрт хүрсэн. Хүмүүсийн хэлж заншсанаар Урт цагаан буюу Чингэлтэй дүүргийн гуравдугаар хороонд байрлаж байгаа энэ нийслэл өөрийн өмчийн энэ барилгыг нурааж төр хувийн хэвшлийн түншлэлийн оролцоотойгоор өндөр худалдааны төв болгох эсэх асуудлаас шийдвэр гарч ажилласан юм билээ. Миний бие Нийслэлийн Засаг дарга бөгөөд Улаанбаатар хотын захирагчаар томилогдсоноос хойш автозамын түгжрэлийг бууруулах, гэр хорооллыг барилгажуулах нэртэй анхдагч хуулийн төслийн УИХ-ын чуулганы нэгдсэн хуралдаанаар хэлэлцэх эсэхийг шийдэх гэж байна. Нягтаршил хэт ихтэй байршил өндөр орон сууц барих, барилгажих явдлыг хязгаарлаж, дэд төвүүддээ түшиглэж, Улаанбаатар хотын их тойруугийн нягтаршлыг багасгах бодлого барьж байгаа. Одоогийн энэн нягтаршил өндөр байгаа их тойруу дотор нэмж 1500 өндөр барилга барих барилгын зөвшөөрөл олгогдсон байна. Нягтаршихыг багасгах бодлого дэвшүүлж байгаа хэрнээ урт цагааны барилгыг нурааж дахин өндөр барилга барина гэдэг барь байгаа бодлоготой нийцэхгүй байна. Тиймээс 1960-1962 оны хооронд баригдсан нийт 8000 орчим мкв барилгын буулгаж нийтийн эзэмшлийн ногоон байгууламж барих уу, эсвэл нийслэл өөрийн өмчийн ашиглалтын сайжруулж шинэ худалдааны төв байх уу гэдэг асуудал дээр иргэдээс санал авна. Улаанбаатар.мн сайт дээр долоо хоног санал хүсэлтээ авна. Урт цагааны барилгын түрээслэгчдийн дийлэнх нь 2020 оноос хойш түрээс төлөөгүй. Мөн хууль бусаар алт хайлуулах, химийн хортой бүтэгдэхүүнийг ашигласан тохиолдол байгаа. Аравдугаар сарын 10-ны дотор түрээслэгчдийг байраа суллах шаардлага хүргүүлсэн ч биелүүлээгүй байна.