БОАЖЯ-наас Богдхан дархан цаазат газарт ашиглалтын бус газар олголтыг цуцалсан тухай, ан агнуурын хуваарилалт, хэрэгжилт болон үерийн дараах хяналт, шалгалтын дүгнэлтийн талаар мэдээлэл өгч байна. Энэ үеэр Богдхан дархан цаазат газрын тусгай хамгаалалт болон хуулийн хэрэгжилтийн талаар Тусгай хамгаалалтай газар нутгийн захиргааны дарга Н.Баатарцогт мэдээлэл өглөө.

                Тэрбээр “Газрын тухай хуулийн дагуу газраа хоёр жил дараалан ашиглаагүй, төлбөрөө төлөөгүй, газар ашиглах гэрээний нөхцөл болзлыг  зөрчсөний болон усан сан бүхий инженерийн суваг сүлжээний хамгаалалт бүхий газар орсон, тэмдэгтийн хураамж төлөөгүй иргэн, хуулийн этгээдүүдийн газар эзэмших эрхийн цуцлах, хүчингүй болгох ажлуудыг хийж байна. Тухайн хамгаалалтын захиргаанаас газар л дээр нь хяналт шалгалт, сонсголын ажил хийгээд БОАЖЯ санал ирүүлж байгаа.Усан сан, ойн сан бүхий газарт зөвшөөрөлтэй тохиолдолд цуцлах тал дээр нээлттэй ажиллаж, ойлгож байгаа. 2023 он гарснаас хойш Богдхан уулын дархан цаазат газар болон горхи тэрэлжийн байгалийн цогцолбор газар, Хөвсгөлийн  улсын тусгай хамгаалалтай газар нийт 90 иргэн, хуулийн этгээдийн ашиглаж байсан газрын эрхийг хүчингүй болгосон. 2030 онд нийт газар нутгийнхаа 30 хувийн тусгай хамгаалалтад авах зорилготой ажиллаж байна. Энэ ажлын хүрээнд хамгаалахаас илүүтэйгээр хуулийг хэрэгжүүлэх асуудал яригдана” гэв.