"Даншиг наадам-Хүрээ цам 2023" наадам өнөөдөр хоёр дахь өдрөө үргэлжилж буй.

      Энэ үеэр Очирваань бурхны тахилга хийгээд бэлэгдлийн талаар Гандантэгчинлэн хийдийн лам Б.Гантөмөр сэтгүүлчдэд мэдээлэл өгөх үедээ "Энэ жил Очирваань тахилгад Өвөрмонголоос болон ОХУ-ын Буриад, Тува Улсаас лам хуварга морилж ирснээрээ онцлог байна. Бурхан тахилгад мөргөж сүсэглэн өөрсдийгөө даатгаснаар гэнэтийн осол аваараас сэргийлэх боломжтой. Өчигдөр гэхэд цамын үйл ажиллагааны дараа хотын зүүн хэсгээр хүчтэй аадар бороо орсон. Магадгүй цамын үйл ажиллагаа болоогүй байсан бол хот даяараа үерт автах эрсдэлтэй байхыг үгүйсгэхгүй. Тиймээс аливаа нэгэн байгалийн гамшиг болон эрсдэлтэй зүйлд өртөхгүйн төлөө энэхүү тахилгыг үйлддэг юм" гэв.