Хүнс, хөдөө аж ахуй, хөнгөн үйлдвэрийн яамнаас НҮБ-ын Хүнс, хөдөө аж ахуйн байгууллага, Хөдөө аж ахуйн их сургуультай хамтран “Залуу малчдыг чадавхижуулах хөтөлбөр”-ийн хүрээнд Булган аймгийн Хутаг-Өндөр суманд танхимын сургалт зохион байгуулав. Энэхүү сургалтад Булган, Орхон, Хөвсгөл аймгаас ирсэн 42 залуу малчдын төлөөлөл оролцож, мэдлэг туршлага хуримтлууллаа.
 
          Танхимын сургалт нь мал аж ахуйн бизнес, маркетингийг хөгжүүлэх, хоршиж ажиллах, бэлчээрийн менежментийг сайжруулах, мал тэжээх, эрүүл мэндийг хамгаалах, шилэн сонголт, нөхөн үйлдвэрлэл, түүхий эд бэлтгэл, бүтээгдэхүүн үйлдвэрлэх зэрэг зах зээлийн эдийн засгийн үед аж ахуйгаа үр дүнтэй, эрсдэлгүй, үр өгөөжтэй эрхлэх чадамжийг олгох юм.