Дархан-Уул аймгийн Шарынгол сумын Санжинт багийн Ойчдын дөрөвдүгээр гудамжинд наймдугаар сарын 1-ний өдрийн 00:45 цагаас 08.02-ны өдрийг хүртэл үргэлжлэн орсон дуу цахилгаантай, хүчтэй аадар борооны улмаас айлын гэр, хашаа үерийн усанд автсан тухай дуудлагыг наймдугаар сарын 2-ны өдрийн 17:30 цагт хүлээн авсан. Тус аймгийн Онцгой байдлын газрын Гал түймэр унтраах, аврах 55 дугаар ангийн алба хаагчдыг очиход Санжинт багийн Ойчдын таван айл өрх үерийн усанд автсан байсныг нэг цаг 46 минут ажиллаж суваг, шуудуу ухаж, шороон далан босгож үерийн усыг гаргасан.