Цахим сүлжээнд ихэнх нутгаар усархаг бороо орж болзошгүй, хэт халсан хөрсөн дээр ширүүн бороо орох нь үерийн эрсдэлийг нэмэгдүүлдэг” гэсэн мэдээлэл нийтлэгдэж буй. Тэгвэл энэ долоо хоногийн цаг агаарын байдлын талаар Цаг уур орчин шинжилгээний газрын мэргэжилтэн н.Цасанчихэртэй холбогдож тодрууллаа.

     Тэрбээр “Улаанбаатар хотод наймдугаар сарын 1-2-ны өдөр шилжих шөнө ширүүн бороотой. Мөн 2-ны өдөр түр зуурын бороотой. Өнгөрсөн долоо хоногтой харьцуулахад бага зэрэг сэрүүн өдрүүд үргэлжилнэ. Хэт халуун өдрүүдийн дараа ширүүн бороо орох нь үер болох эрсдэлийг нэмэгдүүлдэг нь үнэн. Гэхдээ урьдчилан цаг агаарын мэдээгээр үерийн эрсдэлтэй байдал ажиглагдаагүй. Наймдугаар сарын эхний долоо хоногт төв болон зүүн бүсийн зарим аймгуудаар түр зуурын бороотой. Нутгийн өмнөд хэсгээр аагим халуун үргэлжилнэ” гэв.