Хэнтий, Сүхбаатар аймгийн ихэнх нутгаар хүчтэй цасан шуурга шуурч, малчид олноороо төөрч, сураггүй болсон гэх мэдээлэл бий. Энэ талаар Хэнтий аймгийн Онцгой байдлыг газрын мэргэжилтнээс тодрууллаа. Тэрбээр “Аймгийн хэмжээнд цасанд суусан, сураггүй болсон зэрэг 50 гаруй дуудлага ирсэн. Одоогийн байдлаар нэг дуудлагыг олоогүй байна. Өчигдөр гарсан Онцгой байдлын хоёр баг ирээгүй байна. Урьдчилсан байдлаар бидэнд ирсэн мэдээллээр найман байшин, Ерөнхий боловсролын хоёр сургуулийн дээвэр хууларч, 13 гэр, хашаа нурсан гэх мэдээлэл байна. Харин хэчнээн мал хорогдсон нь одоогоор тогтоогдоогүй байгаа” гэсэн юм.