Их Эзэн Чингис хааны мэндэлсний 858 жилийн ой, Монгол бахархлын өдөр болон Анхдугаар Үндсэн хуулиа баталж, Улс тунхагласны 96 жилийн ойн өнөөдөр тохиож байна. Монголчууд энэ өдрийг бүх нийтийн хөл хорионд өнгөрүүлж байгаа. Учир нь дэлхий нийтийг хамарсан цар тахал манай улсад тархаж өнөөдрийн байдлаар дотоодод бүртгэгдсэн халдвар 275 болоод байна. Тиймээс бүх нийтийн хатуу хөл хорионы дэглэм үргэлжилж байгаа юм. 

Уг нь бид энэ өдрийг бүх нийтийн амралтын өдөр болгон тэмдэглэн өнгөрүүлдэг юм. Энэ өдөр чансаа өндөр 128 бөхийн барилдаан Бөхийн өргөөнд болж, иргэд бөхөө үзэн эх түүхээрээ бахархан өнгөрүүлдэг уламжлалтай билээ. Харин өнөөдөр хөл хорионы дэглэмийн улмаас олон нийтийг хамарсан бүхий л арга хэмжээг цуцлаад байгаа юм. 

Өнгөрсөн жил Улс тунхагласны баярт зориулсан барилдаанд Сэлэнгэ аймгийн Мандал сумын харьяат улсын начин Н.Баярбаатар түрүүлж, улсын начин Б.Орхонбаяр үзүүрлэж байжээ.