Бүх нийтийн бэлэн байдлын зэргийг 14 хоногоор сунгасан нь иргэдийн санхүүгийн байдал болон ар гэрийн хэрэгцээнд хүндрэл учруулаад байна. Учир нь үйлчилгээний салбар, хувиараа бизнес эрхлэгчид буюу нэг үгээр иргэдийн ажил зогсож, орлого нь тасраад байгаа. Яг энэ үед банкны зээл, төлбөр, нийтийн байр, орон сууц түрээслэгчдэд зээл төлбөрөө төлөх бүү хэл хоногийн хүнсээ залгуулахад хүндрэлтэй болж эхлээд байна. Хөл хориог сунгах шийдвэрийг буруутгахгүй ч уян хатан байдлаар шийдэх нь зөв гэдгийг иргэд хэлсэн юм.