Алтанбулаг боомтоор орж ирсэн ачаа тээврийн жолооч болон түүний гэр бүлийн хүн нь коронавирусын халдвар авсан нь тогтоогдож, улмаар ойрын хавьтлын хоёр хүн нь тэднээс халдвар аваад байгаа билээ. Мөн тэдний ойрын хавьтал болох 73 хүнийг ХӨСҮТ-д тусгаарлан шинжилгээ авч байгаа юм. Тэдний шинжилгээний хариу өнөөдөр буюу 2020 оны арваннэгдүгээр сарын 12-ны өдрийн 12:00 цагт гарах аж. Мөн дам хавьтлын хүмүүсийг судлан тогтоож, шаардлагатай арга хэмжээнүүдийг авч байгаа юм. Үүнтэй холбогдуулан УОК, Засгийн газрын хуралдаанаар өнөөдрөөс эхлэн тав хоногийн хугацаанд хатуу хөл хориог тогтоогоод байгаа юм.