Усны ослоор нас барсан хүүхдүүдийн талаар Онцгой байдлын ерөнхий газраас мэдээлэл өглөө. Тус газраас "Сүүлийн нэг сарын хугацаанд усны ослоор 3-14 насны дөрвөн хүүхэд эрсэдлээ. Нийслэлийн хэмжээнд Хэрлэн, Туул, Тэрэлж голын дагуу завьт, хөдөлгөөнт эргүүл хийж, урьдчилан сэргийлэх арга хэмжээ авч байна. Эцэг эх, асран хамгаалагч нар бага насны хүүхдүүдээ авч явахдаа хараа хяналтаа сулруулдаг. Нэг ч хором анхаарлаа алдаж болохгүй. Бид өнгөрсөн оны наймдугаар сараас эхлэн  "Үер уснаас үрсээ хамгаалъя" аян хэрэгжүүлээд явж байна" гэв.