Азийн хөгжлийн банкны хөнгөлөлттэй зээлээр Хан-Уул дүүрэгт  шинэ  нэгдсэн эмнэлэгийн байр барихаар  болжээ. Үүнтэй холбогдуулан барилга барих талбайд буй гарааш, агуулах зэргийг буулгах хүсэлт ирүүлсэн байна. Засгийн газар, Азийн хөгжлийн банкны хооронд байгуулсан гэрээ, буцалтгүй тусламж, хөнгөлөлттэй зээлийн дагуу барилгыг Сонгинохайрхан дүүргийн жишиг эмнэлгийн зураг төсвөөр барихаар болжээ.

  Мөн 28-р сургуулийн нэгдүгээр байрыг шинээр барих төсөл батлагджээ. Тухайн сургуулийн барилга 1964 онд ашиглалтад орсон бөгөөд мэргэжлийн хяналтын байгууллагын дүгнэлтээр шаардлага хангахгүй байгаа юм.

 Дээрх барилга байгууламжийг акталж, нийслэлийн өмчийн бүртгэлээс хасах тогтоолын төслийг НИТХ-ын ээлжит бус VI хуралдаанаар хэлэлцэж шийдвэрлэжээ.