АИ95 бензин, дизель түлшний үнэ нэмэгджээ. АИ95 бензиний үнэ литр тутамд 300 төгрөгөөр нэмэгдэж 3910 төгрөг, Дизель түлш мөн 300 төгрөгөөр нэмэгдэж, 3740 төгрөг болж өссөн байна. Харин өргөн хэрэглээний АИ92 автобензиний үнэ өсөөгүй байна.

Манай улсын АИ95 бензиний сарын хэрэглээ 4000 тонн байдаг бөгөөд энэ нь шатахууны нийт хэрэглээний зургаа хүрэхгүй хувийг эзэлдэг.

                “Ройтерс”-ын мэдээлснээр WTI маркийн газрын тосны баррель үнэ 120 ам.доллар давж, сүүлийн 14 жилд байгаагүйгээр үнэ нь өсөн, дээд цэгт ойртож байгааг анхааруулсан.  Мөн Голдман Саксын шинжээчид 2023 оны эцэс гэхэд дэлхийн зах зээл дээрх түүхий эдийн нөөц хэвийн хэмжээнд хүрэхийн тулд Брент төрлийн газрын тосны үнэ энэ оны долдугаар сараас эхлэн баррель нь дунджаар 135 доллар болно хэмээн Bloomberg сайт мэдээлсэн билээ. Энэ мэт дэлхийн зах зээлд газрын тосны бүтээгдэхүүний үнэ хурдтай өсөж байгаа ч, манай улсын хувьд өргөн хэрэглээний АИ92 бензиний үнэ өнгөрсөн дөрөвдүгээр сарын ханшаар борлуулагдаж байна.