Монгол Улсын ШУА-ийн ээлжит их чуулган өнөөдөр болж байна. Энэ үеэр академийн ерөнхийлөгчийг сонгож, одоогийн ерөнхийлөгч, академич Д.Рэгдэл улиран сонгогджээ.

ШУА-ийн ерөнхийлөгчийг академич нар биечлэн оролцож сонгодог. Одоогийн байдлаар 58 академич байгаагаас 49 нь санал хураалтад оролцжээ. Үлдсэн академич нарын хувьд Монгол Улсад байхгүй, өвчтэй гэх мэт хүндэтгэн үзэх шалтгааны улмаас санал хураалтад оролцож чадаагүй байна. Ийн 49 академичаас 47 хүний саналаар академич Д.Рэгдэл гуай улиран сонгогджээ.

ШУА-ийн ерөнхийлөгчийн сонгууль дөрвөн жилд нэг удаа болдог. Одоогийн ерөнхийлөгч Д.Рэгдэл 2016 онд академийн их чуулганаар сонгогдож, дөрөв дэх жилдээ ажиллаж байсан юм. Мөн чуулганы үеэр ШУА, харьяа хүрээлэнгүүдийн эрдэмтэн, судлаачид дөрвөн жилийн ажлын үр дүнгээ танилцууллаа.