Улсын хэмжээнд өнгөрсөн зургадугаар сарын 24-нөөс энэ сарын 10 хүртэлх хугацаанд хүчтэй аадар бороо орж, үерийн буусан. Үерийн улмаас Дорноговь, Дундговь, Өвөрхангай, Говь-Алтай, Баянхонгор, Завхан, Орхон, Сэлэнгэ, Архангай, Хөвсгөл, Увс, Төв аймгийн нутгаар дайран өнгөрөх олон улс, улсын чанартай  16 чиглэлийн 7.2 километр авто зам, түүний дагуу байрших 32 цэгийн төмөр бетон хоолойд эвдрэл үүсээд байсан юм.

Тэгвэл цаг агаарын аюулт үзэгдэл, гамшгаас шалтгаалж эвдэрсэн, сэтэрсэн, үерийн усанд угаагдсан хамгаалалтын далан, шуудуу, ус зайлуулах байгууламжийн 70 хувийг сэргээн засварлажээ.

“Зам тээврийн хөгжлийн төв” ТӨҮГ-ын хяналтын инженерүүд хяналт тавьж, “Дорноговь-АЗЗА”, “Орхон-АЗЗА”, “Хархорин-АЗЗА”, “Говь-Алтай-АЗЗА”, “Өвөрхангай-АЗЗА”, "Эрдэнэсант-АЗЗА", “Архангай-АЗЗА”, “Хөвсгөл АЗЗА”, "Увс-АЗЗА", “Завхан АЗЗА”, "Төв АЗЗА" ТӨХК, “Их богд зам”, “Даш зам” ХХК зэрэг зам хариуцагч байгууллагууд сэргээн засварлах арга хэмжээг шуурхай авч ажиллаж байгаа юм.