Дэлхийн банк, Азийн хөгжлийн банк зэрэг олон улсын байгууллагын санжүүжилт, гадна дотны хөрөнгө оруулалтаар цахим шилжилт хийх ажилд 400 орчим сая ам.доллар зарцуулсан байдаг байна. Үүнээс 100 орчим сая ам.доллар нь эрүүл мэндийн салбарт зарцуулагдсан. Гэвч иргэд эрүүл мэндийн үйлчилгээ авахдаа эмчийн өрөөний үүдийг сахидаг хэвээр. Иймд уг асуудлыг бүрэн шийдвэрлэхээр ирэх сард багтаан улсын эмнэлгүүдийг бүрэн цахимжуулахаар төлөвлөжээ.

Улсын эмнэлгүүдийг бүрэн цахимжуулснаар иргэд биеэр очилгүй үзлэг, шинжилгээний хариу, эмчийн заавар зөвлөмжийг ч цахимаар авдаг болох юм. Мөн эрүүл мэндийн үзлэг эмчилгээний түүхийг цахим хэлбэрт шилжүүлснээр өвчний түүх бичсэн карт шаардлагагүй болох юм.