Бүх нийтийн амралтын өдөр буюу энэ сарын 10-16-ны хооронд зам тээврийн ослын улмаас 15 хүн амиа алдсан талаар ЦЕГ-аас мэдээллээ.

Хүний амь эрсдсэн зам тээврийн осол нийслэл Улаанбаатар хотод хоёр, орон нутагт 13 бүртгэгдсэнээс 14 том хүн, нэг хүүхэд амиа алдсан юм. Тодруулбал, долдугаар сарын 12-нд Баян-Өлгий аймагт “Ланд-80” маркын тээврийн хэрэгсэл ухрах хөдөлгөөн хийх үедээ долоон насатай эрэгтэй И-г дайрч, амийг нь хөнөөсөн байна.

Иймд нийслэлээс орон нутагт аялал зугаалгаар явсан иргэд нийслэл рүү буцах хөдөлгөөн энэ амралтын өдрүүдэд үргэлжлэх тул зам тээврийн ослоос сэргийлэх, хурдаа тохируулж, замын хөдөлгөөний дүрмээ баримталж явахыг ЦЕГ-аас сэрэмжлүүллээ.