Монгол Улсад орчин цагийн хил хамгаалах байгууллага үүсэж хөгжсөний 87 жилийн түүхт ой өнөөдөр тохиож байна. Тэртээ 1933 онд эх орон, хил хязгаар, газар шороогоо хамгаалах, хууль бус дүрвэгсэдтэй тэмцэх зорилгоор Дотоодыг хамгаалах газрын харьяанд анхны хилийн отряд, комендатуруудыг байгуулснаар орчин цагийн Хил хамгаалах байгууллага үүссэн түүхтэй. 

Өдгөө манай улсын хилийн нийт урт 8257 км бөгөөд алс хилийн хязгаарт өдөр бүр таван мянган хилчин дайчид үүрэг гүйцэтгэж байна. 
Монгол Улсын тусгаар тогтнол, хил хязгаарын халдашгүй дархан байдлын төлөө амь үл хайхран үүрэг гүйцэтгэж ирсэн үе үеийн хилчид та бүхэндээ “Хилийн цэргийн өдөр”-ийн халуун мэндийг дэвшүүлье.

Баатарлаг хилчдын яруу алдар бадартугай!