Шударга өрсөлдөөн хэрэглэгчийн төлөө газраас мэдэээлэл хийлээ. Энэ үеэр Замын-Үүдийн ачаа тээврийн үйл ажиллагаанд хийсэн хяналт шалгалтын дүгнэлтийг танилцуулав. "Ковид19"-өөс өмнө Эрээнээс Улаанбаатар хүртэлх тээврийн жолооч сард дунджаар 4-5 удаа тээвэр хийдэг байжээ. Тэрхүү тээврийн хөлс нарийн ногооны хувьд 2.2-2.5 сая, бусад хүсний хувьд 3-3.5 сая төгрөг байсан аж. Гэтэл гуравдугаар сарын 20-ноос дөрөвдүгээр сарын 7-ны хооронд БНХАУ-руу машин нэвтрүүлээгүй. Түүнээс хойш цөөн тооны тээврийн машин БНХАУ-руу нэвтэрсэнтэй холбоотойгоор тээврийн хөлс нь 20-30 сая төгрөг болж өссөн байна. Ийнхүү Шударга өрсөлдөөн хэрэглэгчийн төлөө газар гуравдугаар сарын 31-нээс дөрөвдүгээр сарын 21-ний хооронд 20-30 сая төгрөгийн хөлс бүхий тээвэр хийсэн есөн жолооч, нэг компанийг тогтоож, тэдэнд нийт 38 сая төгрөгийн торгууль, 243 сая төгрөгийн хууль бус орлого хураах шийтгэлийн арга хэмжээ авчээ.