“Ододтой бүжиглэе” шоуны Монгол дахь дугаарын анхны ялагч Б.Баттөр шагналын 50 сая төгрөгөө НҮБ-ийн хүүхдийн санд хандивлана гэдгээ ялагчаар тодрох үедээ хэлж байсан билээ. Тэгвэл өчигдөр НҮБ-ын хүүхдийн санд шагналын мөнгөө хандивлажээ. Мөн НҮБ-ын Хүүхдийн сангаас  50 сая төгрөг нэмж, “Өнөр бүл” асрамжийн газарт “Жюүжицү” бие хамгаалах урлагын бүрэн тохижуулсан заал байгуулж өгөхөөр болсон байна. Тэрбээр энэ талаар “Асрамжийн төвийн хүүхдүүд бэлтгэл хийх газартай болж байгаад маш их баяртай байна. Энэ ажлууд цааш цаашдаа өргөжөөд хотын зах, гэр хороолол, асрамжийн төвүүд бэлтгэлийн заалтай болж, хүүхдүүд бие хамгаалах урлагаар хичээллээсэй гэж чин сэтгэлээсээ хүсч байна” гэв.