Баянгол дүүрэг дэх Мэргэжлийн хяналтын хэлтэс, Баянгол дүүгийн Цагдаагийн I, II хэлтэс, Онцгой байдлын хэлтэс, Хүнс, худалдаа үйлчилгээний хэлтэс нар хамтран БГД-ийн нутаг дэвсгэрт байрлах 21 дэн буудлын үйл ажиллагаанд хяналт шалгалт хийсэн байна.

Шалгалтаар дэн буудлуудын байр нь батлагдсан зураг төслийн дагуу баригдаагүй, төвлөрсөн шугам сүлжээнд холбогдоогүй, халуун, хүйтэн усгүй, угаалгын өрөө, хоол үйлдвэрлэлийн өрөөгүй, цагаан хэрэглэл урагдсан, түлэгдсэн, стандартын шаардлага хангахгүй, мэргэжлийн байгууллагаар ариутгал, халдваргүйжүүлэлт хийлгээгүй, дотоод хяналт шалгалтын журам тогтоож мөрдүүлээгүй, дотоод хяналт шалгалтын ажилтангүй, ажилчдаа эрүүл мэндийн урьдчилан сэргийлэх үзлэг шинжилгээнд хамруулаагүй зэрэг зөрчил илэрчээ.

Иймд Их алтай трейд компанийн Хан, Аяама-Аяама компанийн Ийгл, Их тайжийн удам компанийн Их баялаг, Азар-Эрдэнэ компанийн Смайл, Оюу угтуул компанийн Найз, Юу Би Эс Ар компанийн Мини дэн буудлуудад зөрчлийн тухай хуулийн тусгай ангийн 11.2 дугаар зүйлийн 1.2, 6.17 дугаар зүйлийн ес дэх хэсэгт заасны дагуу торгуулийн арга хэмжээ авч, илэрсэн зөрчлийг арилгуулахаар албан даалгавар хүргүүлсэн байна.